Татбиқи низоми салоҳиятнокӣ ва математикони ҷавон
Дар татбиқи амалишавии низоми нави таҳсил – салоҳиятнокӣ бо мақсади омода намудани мутахассисони ҷавон оид ба фаъолият дар ин раванд дар - муассисаи таълимии ғайридавлатии гимназияи «Сафина» бо роҳбарии мушовири фанни математикаи шуъбаи маорифи ноҳия Ўктамой Каримова ва омўзгорони ботаҷриба бо мақсади табодули таҷриба, ёрӣ ба мутахассисони ҷавон ва корбарӣ бо низоми нави таҳсилот - салоҳиятнокӣ таҳти унвони «Коромўзони ҷавон» машварати дастурдиҳӣ баргузор гардид, ки дар он мутахассисони ҷавони фанни математикаи муассисаҳои таълимии ноҳия ширкат варзиданд. Ўктамой Каримова – мушовири фанни математикаи шуъбаи маорифи ноҳияи Бобоҷон Ғафуров машваратро ифтитоҳ намуда, ҷорӣ гардидани низоми нави таҳсил – салоҳиятнокиро дар фанҳои дақиқ дар баланд бардоштани сатҳу сифати таҳсил муҳим ва самараовар арзёбӣ намуд. Гуфта шуд, ки низоми нави салоҳиятнокӣ низомест, ки дар он диққати асосӣ ба ташаккули малакаҳои амалӣ равона карда мешавад. Низоми салоҳиятнокӣ ва корбарии он дар машғулиятҳои фанни математика бо истифода аз усулҳои фаъоли таълим имконият медиҳад, ки хонанда дар дарс озод ва дар иҷрои вазифаву супоришҳо мустақил бошад, андешаҳои хешро озодона баён намояд, дар муҳокима ва баҳс фаъолона ширкат варзад. Дар ин маврид муаллим роҳбалад ва назоратчӣ ба ҳисоб рафта, дурустӣ ва нодурустии посухҳоро исбот ва дар як маврид мустаҳкамкунии мавзуъро метавонад ба роҳ монад, - афзуд, мушовири шуъбаи маориф, Ўктамой Каримова. Дар идома бо иштироки машваратчиён дар синфи 8 «б» (гуруҳи таълимоташон бо забони русӣ) дар мавзўи «Муносибатҳои фардӣ бо хонандагон дар дарсҳои математика» машғулияти дарсии омўзгори пуртаҷриба Гулчеҳра Раҳматова аз фанни математика сурат гирифт. Машғулият дар асоси низоми салоҳиятнокӣ бо роҳи инфиродӣ ба роҳ монда шуда, омодагии хонандагон ҳамаҷониба дида мешуд. Дар ин соати дарсӣ баҳри донишандўзии муҳассилин шонздаҳ намуди кор бо хонандагон ба тарзи инфиродӣ истифода шуда, усулҳои истифодаи Диаграммаи ВЕНН, ба риштакашии марворид, ромашка Блум, кор бо варақаҳои тестӣ, муаррифии слайд, кулоҳи саволҳо, баёни андеша ва амсоли ин аз мақоми касбияти омўзгор ва сифатнокии дарс дарак медод. Ўктамой Каримова, - мушовири шуъбаи маориф маҳорату малакаи касбии омўзгори ботаҷриба Гулчеҳра Раҳматоваро дар омодагии ҳамаҷониба бо истифодаи самараноки лаҳзаҳои дарс, компютер, воситаҳои электронии аёнӣ, аёниятҳои дастисохт, ташкили бозиҳои сайқали зеҳнӣ ва боиси ташаккули тафаккур баён намуда, ба кори муаллима баҳои баланд гузошт. Қайд гардид, ки дар иштирок ба дарсҳои ҳамдигар, табодули таҷриба, ҳамкорӣ бо омўзгорони пуртаҷриба, семенар ва машваратҳои доимоамалкунанда, дарсҳои кушод ва машғулиятҳои намунавӣ, мутолиаи бештари адабиёти соҳавӣ камол меёбад. Баргузории чунин машваратҳо барои омўзгорон дар ташаккули касбият ва рушди рисолати омўзгорӣ муфид ва муассир буда, барои беҳтар намудани сатҳу сифати таълиму тарбияи насли наврас мусоидат менамояд. Дар бахши дуюми кори машварат таҳти унвони «Математический Брейн - ринг» чорабинии беруназсинфӣ доир гардид, ки дар он толибилмони синфи 8 «б» ба ду даста ҷудо гардида, дастаҳо таҳти унвони «Константа» ва «Пифагор» аз рўи шартҳои приветствие команд, разминка- каверзные вопросы, математическая эстафета, расшифруй анаграмму, отгадайте ребусы, с полуслова, да или нет, реши задачу, найди общее, конкурс капитанов байни ҳам қувваозмоӣ намуданд. Хонандагони ҳар ду даста дар ҳамаи шартҳои Брейн – ринг ба маҳорати баланд сатҳи дониши математикии худро тавонистанд нишон диҳанд. Дар натиҷа аз ҷониби доварон маҳорату малакаи иштирокдорони Брейн – ринг баҳогузорӣ карда, дар ҷамъбаст ба дастаи «Константа» 203 хол ва ба дастаи «Пифагор» 206 хол сазовор дониста шуд. Директори муассиса Мавзуна Раҳимова аз фаъолнокӣ ва завқмандии муҳассилин ба фанни математика, усулҳои корбарии омўзгори ботаҷриба Гулчеҳра Раҳматова ва кори машварати имрўза изҳори қаноатмандӣ намуда, зикр дошт, ки омўзгорони ҷавон дар дарсҳои омўзгорони ботаҷриба бештар ширкат варзанд ва аз тарзу усули корбариашон баҳраманд гардида, бо истифода аз он дар мукаммалгардонии дониши соҳавӣ ва маҳорату малакаи касбии хеш ҷидду ҷаҳд намоянд. Зеро омўзиши пайваста ва таҷрибаивазкунӣ омили асосии пешравии кори муаллим ба ҳисаб меравад. Дар фарҷом иштирочиёни фаъол бо Ифтихорномаи директори муассиса қадршиносӣ карда шуданд. Сабоҳат Фатҳуллоева, муовини директор оид ба корҳои таълимии гимназияи хусусии «Сафина» Санаи баргузорӣ: 2019-01-03
Санаи дохилшуда: 2019-03-25