Сомонаи шуъбаи маорифи ноҳияи Бобоҷон Ғафуров

Дарси вилоятӣ аз фанни химия

Санаи 29.11.2018 дарси вилоятӣ аз фанни химия дар ҷамоати Ғозиён МТМУ№20, синфи 10 "А" баргузор гардид омӯзгор Икромова Фирӯза. Санаи баргузорӣ: 2018-11-30
Санаи дохилшуда: 2019-03-25

Шаҳомати хосаи омўзгор

Тайи чанд сол аст, ки баргузории озмуни «Омўзгори сол» дар Тоҷикистон ба ҳукми анъана даромадааст. Санаҳои 27 - 29-уми моҳи декабри соли 2018 толори китобхонаи Донишкадаи ҷумҳуриявии такмили ихтисос ва бозомўзии кормандони соҳаи маориф сатҳи ниҳоии озмуни мазкур баргузор гардид. Дар расми ифтитоҳии озмун Муовини вазири маориф ва илми ҷумҳурӣ Латофат Назирӣ (Раиси кумитаи тадорукот) аз сиёсати маорифпарварони Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастгириҳои пайвастаи Вазорати маориф ва илми кишвар, алалхусус вазири маориф ва илм Нуриддин Саид, касбият ва мақоми омўзгор дар самти пешрафти ҷомеа сухан гуфта, ҳадафи асосии баргузории озмунро дарёфти истеъдодҳо, қадамҳои устувор баҳри боз ҳам боло рафтани сатҳу сифати таҳсилот, афзун намудани ҳисси масъулиятшиносии омўзгорону роҳбарони соҳа баён намуд. Дар даври ҷумҳуриявии озмуни «Омўзгори соли Тоҷикистон» 5 нафар беҳтарин омўзгорони манотиқи кишвар, Куканбекова Мунира омўзгори фанни забон ва адабиёти тоҷики муассисаи таҳсилоти миёнаи умумии рақами 5-и шаҳри Хоруғ, Ҳукумов Бахтовар омўзгори фанни математикаи литсейи давлатии рақами 1-и шаҳри Бохтар, Ҳайдаров Муродҷон омўзгори фанни таърих ва ҳуқуқи муассисаи таҳсилоти миёнаи умумии рақами 49-и ноҳияи Бобоҷон Fафуров, Шоева Дилбар омўзгори фанни таърихи гимназияи рақами 74-и шаҳри Душанбе ва Сафаров Ҷонибек омўзгори фанни технологияи иттилоотии муассисаи таҳсилоти миёнаи умумии рақами 44-и ноҳияи Варзоб ки дар даври вилоятӣ ғолибият ба даст овардаанд, аз рўи ҳафт шарт - муаррифии таҷрибаи корӣ, маҷлиси падару модарон, кор бо компютер ва тахтаи электронӣ, дарси конкурсӣ аз рўи ихтисос, дарси тарбиявӣ, ҷавоби хаттиву шифоҳии довталабон ба 10 савол ва атрофи асноди меъёрӣ байни ҳам сабқат намуданд. Ҳамаи иштирокдорони озмун дар иҷрои шартҳои пешниҳодгардида бо маҳорату малакаи баланди касбӣ ва тарзу услуби ба худ хос фаъолнокӣ нишон дода, дар натиҷа ҳайати ҳакамон бо доварии одилона ғолибонро эълон намуд. Дар натиҷа омўзгори фанни таърих ва ҳуқуқи гимназияи №74-и шаҳри Душанбе Дилбар Шоева ба гирифтани мақоми аввал ва омўзгори фанни таърих ва ҳуқуқи муассисаи таҳсилоти миёнаи умумии №49-и ноҳияи Бобоҷон Fафуров ба ишғоли мақоми дуввум сазовор гардиданд. Дар фарҷом ҳамаи довталабон бо нишони «Аълочии маориф ва илми Тоҷикистон» Диплом, як роҳхатӣ ба осоишгоҳ ва туҳфаҳои пулӣ қадршиносӣ карда шуданд. Воқеан дар дар даври ниҳоии озмуни «Омўзгори соли Тоҷикистон - 2018» сазовори сазовори мақоми дуввум ва Аълочии маориф ва илми Тоҷикистон гардидани Мурод Ҳайдаров барои тамоми маорифчиёни ноҳия шарафи бузург мебошад. Мо – кулли маорифчиёни ноҳия бо чунин омўзгор ифтихор дорем ва ба ў дар ҷодаҳои кору зиндагӣ шукуҳмандӣ, саодати рўзгори ва дар ҳама кор музаффару муваффақ буданро таманно мекунем. Санаи баргузорӣ: 2018-01-30
Санаи дохилшуда: 2019-03-25

Мақоми Бобоҷон Ѓафуров дар арсаи таърих

Мақоми Бобоҷон Ғафуров дар арсаи таърих Дар осорхонаи ҷумҳуриявии ба номи академик Бобоҷон Ғафуров таҳти унвони «Мо ворисони аллома Бобоҷон Ғафуров» даври нимфиналии озмуни «Таърихшиносони ҷавон» баргузор гардид, ки дар он хонандагони муассисаҳои таълимии ноҳияи Бобоҷон Ғафуров бо роҳбарии омўзгори муассисаи таълимии №54 Муяссара Қориева, шаҳри Исфара омўзгори муассисаи таълимии №33 Розия Охунова ва Бўстон муаллимаи муассисаи таълимии №10 Гулрухон Маматқулова, ки ба даври нимфиналӣ роҳхат гирифта буданд, ширкат варзиданд. Озмун аз рўи шартҳои мукаммалӣ донистани таърихи ноҳия, китоби «Тоҷикон» -и аллома Бобоҷон Ғафуров ва арзиши миллии он, ҳаёт ва фаъолияти академик Бобоҷон Ғафуров, мақоми ў дар арсаи таърих, наҚши шоира – Розия Озод дар тарбияи маънавии фарзанди фарзонаи миллат, бузургон дар васфи Бобоҷон Ғафуров, арҷгузорӣ ва эҳтироми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба академик, таърихнигори барҷаста – Бобоҷон Ғафуров, намоиши слайди беҳарин, намоиши саҳнаи тарбиявӣ аз ҳаёти ходими намоёни давлатию ҷамъиятӣ ба роҳ монда шуда, дониши сиёсӣ, маълумоти кофӣ ва маҳорати эҷодкориву ҳунарнамоии иштирокдорон роҳандозӣ гардида, аз ҷониби доварон баҳогузорӣ карда шуд. Ҳадаф аз баргузории озмун ҷалби хонандагон ба омўзиш ва азхудкунии таъриху маданияти гузаштаву имрўза, дарёфти толибилмони боистеъдод, рушд ва ташаккул додани ҳисси ифтихори миллӣ, бедор намудани ҳисси ватандўстиву меҳанпарастӣ, худогоҳиву хештаншиносӣ, ғанӣ гардонидани тафаккури сиёсиву таърихӣ мебошад. Дар натиҷа намояндагони ноҳияи Бобоҷон Ғафуров ва шаҳри Исфара маҳорати баланд нишон дода, бо ба даст овардани 49,5 холӣ мақоми аввалро касб намуда, ба даври финалӣ роҳ ёфтанд. Намояндагони шаҳри Бўстон бо дарёфти 48 хол ба ишғоли ҷои дуюм сазовор гардиданд. Санаи баргузорӣ: 2018-01-03
Санаи дохилшуда: 2019-03-25

Эълон ва Хабарҳо

Дарси вилоятӣ аз фанни химия

Дар муассисаи МТМУ №15 машварати навбатии ТИ гузаронида шуд

Чароғафрўзи роҳи маърифат

Биё бозича ба боғча равем

Шаҳомати хосаи омўзгор

Мақоми Бобоҷон Ѓафуров дар арсаи таърих

Мо дар